Pages

Sunday 8 January 2012

කන්තෝරු කවි




තිස්සෙම යකඩ ගොඩකට වී තැම්බෙන           වා
දෙපා ගෙවෙන තුරු වැඩටම ඇවිදින               වා
කැන්ටිමේ කෑම දැකලා බඩ දන                      වා
තැනකට එන්න මම රස්සාවට යන                  වා

ඕ. ටී. එක අරං බෝඩිමට ගෙ                           වා
පඩියෙන් බාගයක් කෑමට වෙන් කර                වා
ඉතිරි ටිකෙන් අනෙකුත් වියදම් පිය                  වා
මාසේ අන්තිමට මට මොකවත් නැතු               වා

ලාබෙට ලැබෙන සීසන් එක තියන් අ               තේ
බස් එකෙ,කෝච්චියෙ තෙරපී වැඩට එ             තේ
රතු ඉර වදින්නට පෙර පැමිණීමෙ පො              තේ
බස් නැවතුමේ සිට අපි මැරතන් දුව                   තේ

මානෙන් ඉන්න ලොක්කන්ගේ රැවුං බැනු         ං
සොක්කෝ ඉඳන් කරනා පොඩි පොඩි විගඩ     ං
වැඩ බැරි දාසලාගේ වැදි බණ අහමි                   
ගෙවිලා යනව කන්තෝරුවෙ දවස හෙමි           ං

වැඩ්ඩෝ කෙරුවාව ගැන පංපෝරි කෙ             ලී
වැඩක් කරන්නට යනවිට කෙනේහි                  ලී
කබ්බන්ගේ ටොයියන්ගේ කඹ ඇදි                   ලී
බලා හිඳිනවා අපි බැඳගෙන ඇඟි                        ලී

එක කට්ටියක් නැහෙනා මුළු දවස පු                 රා
පත්තර කියවනව පිරිසක් අසුන් අ                     රා
තව ටික දෙනෙක් හට හිතුනම බොන්න සු        රා
පනිනව කන්තෝරුවෙන් සිකුරිටිට හො           රා

කාලය කමින් රත් කරමින් නොඉඳ පු                ටු
ලිපි ගොණු එක්ක හොඳ හැටි වෙනවා ඔට්        ටු
ලොක්කෝ බනිනකොට අප කරනට මට්         ටු
අහගෙන ඉන්නවා කෑව වගෙ පිට්                      ටු

වැඩ ඇති වෙලාවටනං නෑ අනම් මන                ම්
කන්තෝරුවෙ කරන්නට වැඩ ඕන තර            ම්
හවස් අතේ විවේකයක් ලැබුනම න                  ම්
අපි ගහනවා කොම්පියුටර් එකෙන් ගේ             ම්

හිත හොඳ අහිංසක යහපත් මිනිසුන්                 ද
කෙලෙහි ගුණ නොදත් නරි වන් කපටින්         ද
නයින් කටුස්සන් ආඳන් ඇඹලුන්                    
හරියට සිටී කන්තෝරුවෙ සෙනග මැ             ද

විවිදාකාරයේ මිනිසුන් සමග හි                        ඳ
ජීවත් වෙන අයුරු ඉගෙනුම අවැසි ස               ඳ
මොනවද කියා දැන ගන්නට නරක හො          ඳ
තෝතැන්නකි සාර, කන්තෝරුව නිබ            ඳ


_____
පින්තූරය
http://www.glasbergen.com/wp-content/gallery/computer-cartoons/bizcom81.gif

Sunday 1 January 2012

අළුත් අවුරුද්ද



රවුම් ගමන් මාර්ගයක අගක් මුලක් හොයන්නෙ කොහොමද?

අපි ජීවත් වෙන මහ පොළොවත් ඉර වටේ යන්නෙ  ඒවගේ අගක් මුලක් හොයන්න බැරි රවුම් (හරියටම කිව්වොත් ‘ඉලිප්සාකාර) මාර්ගයක. මෙහෙම රවුම් ගමනක විශේෂත්වය තමයි කලින් වාර වලදි පහුකරපු තැන් ආයෙ ආයෙමත් හමුවීම. හරියට අවුරුද්දෙ ඍතු හතර එකම පිළිවෙලට හැම අවුරුද්දෙම එන එක, එහෙමත් නැත්නම් හැම අවුරුද්දෙම එකම දවස් වලදි සූර්ය නිවෘත්ති  (Solstice)” ඇතිවීම වගේ. 

දින දර්ශණය කියන සංකල්පයට මූලික වෙලා තියෙන්නෙත් මේ හේතුවමයි.

මානව ඉතිහාසයේ මුල් කාලයේ ඉන්ම එක එක විධියේ දින දර්ශණ පාවිච්චි වෙලා තිබුණත් දැන් අපි එදිනෙදා පාවිච්චියට ගන්නෙ දහතුන්වෙනි ග්‍රෙගරි පාප් වහන්සෙ ඳුන්වල දීපු, ජනවාරි 1 න් පටන්ගෙන දෙසැම්බර් 31 න් අවුරුද්ද ඉවර වෙන ග්‍රෙගෝරියානු දින දර්ශණේ.

මං අහල තියෙන විදියට අප්‍රේල් පළවෙනිද මෝඩයගෙ දවස උනෙත් කැලැන්ඩර් හුටපටයක් නිසා. කොහොම උනත් ජනවාරි පළවෙනිදත් මෝඩයන්ගෙ දවසක්නෙ. ඇයි කියල දන්නවද? අර දවස් කාල (¼) නිසා.

අපි අපේ පහසුවට රවුං ගණං වලින් වැඩ කරන්න ආස උනත් අපිට ඕනි විධියට ලෝකෙ කැරකෙන්නෙ නෑනෙ. ඉතිං අපි අවුරුද්දට දවස් 365 ක් තියෙනව කියල හිතාගෙන හිටියට ඒක එහෙමම නෙමෙයි. පොළොවට ඉර වටේ යන්න දවස් 365 කුත් ¼ ක් ගත වෙනව. ඔය දවස් කාල (¼) කැලැන්ඩරේට ඔබන්න ගියොත් අවුලක් වෙන හින්ද අවුරුද්දක් දවස් 365 යි කියල අරගෙන, ඉතිරි වෙන දවස් කාලෙ ඒව හතරක් එකට එකතු කරල අවුරුදු හතරකට සැරයක් පෙබරවාරි 29 කියල දවසක් කැලැන්ඩරේට එකතු කරනව. එතකොට ඒ අවුරුද්ද අධික අවුරුද්දක්. හරියට මේ අවුරුද්ද වගේ.

ඉතිං අළුත් අවුරුද්දෙ අපි හාහාපුරා කියල කරන මෝඩ වැඩේ මේකයි. රෑ දොළහට ‘කවුන්ට් ඩවුන් කරල, රතිඤ්ඤා පත්තු කරල, මල් වෙඩි දාල, කිරි උතුරෝල, ‘චියස්’ කියල, තව තව විගඩං හැටහුටාමාරක් කරල අළුත් අවුරුද්ද පිළිගෙන පැය හයකට පස්සෙ තමයි ඇත්තටම අළුත් අවුරුද්ද උදා වෙන්නෙ. හරියට පාටිය ඉවර උනාම ආරාධිත අමුත්ත එනව වගේ.  : )

...

“ලැබුවා වූ නව වසර සාමය, සතුට, සෞභාග්‍යය සපිරි සුභම සුභ නව වසරක් වේවා!”

_____
පින්තූර
http://www.offthemark.com/cartoons/1993-01-01.gif

Related Posts Plugin for WordPress, Blogger...