Pages

Sunday 16 October 2011

ජීවිතේ විහිළු




ජීවත් වෙද්දි අපි කොච්චරවත් විකාරරූපී වැඩ කරනව. වෙලාවකට අපි ජීවිතේ විහිළුවකට බාර අරගෙන එක එක විකාර කරනව. තවත් වෙලාවක් තියෙනව ජීවිතේ අපිව විහළුවක් කර ගන්න. එහෙම වෙලාවලටනම් අඬනවද හිනාවෙනවද කියලවත් හිතාගන්න බැරුව යනව. මේ මම වටාපිටාවෙන් දැක්ක විහිළු කිහිපයක්. එක ඒක්කෙනාට මේ දේවල් වෙනස් විධියට පේන්න පුළුවන්. කොහොම උනත් මටනම් මේව පේන්නෙ විහිළු වගේ තමයි.

  1. කුණු දැමීම තහනම්” ස්ථාන වල ලොකු කුණු ගොඩවල් තිබීම, නිකරුණේ ගැවසීම තහනම්” තැන් වල රස්තියාදු කාරයො සහ “දැන්වීම් ඇලවීම තහනම්” තාප්ප පිරෙන්න අලවපු දැන්වීම්.

  1. දුක තුනී කරගන්න කියල මත්පැන් පාවිච්චි කරන අයම සන්තෝසය ඉහවහා ගිය වෙලාවටත් මත්පැනටම වැටීම.

  1. මනුස්සයෙක් ජීවත් වෙලා ඉන්නකං එක තඹ සතේකට ගනන් නොගත්ත, හොඳින් සලකන්න පුළුවන් කම තියෙද්දිත් නොසලකපු, පුළුවන් තරම් කෙණෙහිලිකම් කරපු මිනිස්සුම අර කෙනා මැරුණට පස්සෙ රටේ නැති ගුණ වර්ණනා පැවැත්වීම.

  1. තමන්ට වඩා දැනුම් තේරුම් තියෙන අයව අති පණ්ඩිතයන් ලෙසත් තමන් තරම් දැනුම් තේරුම් නැති අය පොල් බූරුවන් ලෙසත් සැලකීම. බලාගෙන ගියාම අපි හැමෝම අති පණ්ඩිත පොල් බූරුවො.

  1. කඩෙන් කෑම එකක් ඉල්ලුවම “කන්නද?”, ගෙනියන්නද?” කියල අහන එක.

  1. මහත්තයට” වැඩිය “සර්ට” ගරු සැලකිලි තිබීම.

  1. ඉංජිනේරුවො, වෛද්‍යවරු, ගණකාධිකාරීවරු, නීතීඥයො අතර ගොවි මහත්තය නිකංම නිකං නිකමෙක්ගෙ තත්වෙට වැටිල තියෙන එක.

    _____
    පින්තූරය
    http://upload.wikimedia.org/wikipedia/commons/thumb/9/9b/Irony_mark_full.svg/160px-Irony_mark_full.svg.png

No comments:

Post a Comment

මොකද හිතෙන්නෙ කියල සටහනකුත් තියල යන්න...

Related Posts Plugin for WordPress, Blogger...